Sunday, March 24, 2013

តើ HPV គឺជាអ្វី ?

10:11 AM

sothea

HPV គឺជាអក្សរកាត់នៃពាក្យ ជូមេន ប៉ាពីឡូម៉ាវីរុស ( human papillomavirus ) ។វាគឺជា ប្រភេទវីរុសដែលអាចចំលងបានតាមរយៈការរួមភេទ ។ ក្នុងអំឡុងពេលនៃការរួមរ័ក្ស ឬ ការធ្វើសេពកាមដោយប្រើមាត់ HPV អាចធ្វើដំណើរទៅកាន់សិរីរៈបន្តពូជ, មាត់ ឬ បំពង់ក និង បណ្តាលអោយមានការចំលងរោគ ។

មេរោគ ឆ្លងតាមការរួមភេទ HPV អាចចូលមកច្រើនជាង ៤០ប្រភេទផ្សេងៗគ្នា ។ ប្រភេទនៃវីរុសដែលអ្នកមាននឹងកំណត់ពី ឥទ្ធិពលអ្វីដែលនឹងមានទៅលើខ្លួនប្រាណរបស់អ្នក ។ ប្រភេទជាក់លាក់នៃ HPV អាចបណ្តាលអោយអ្នកមាន ដុះឬសនៅប្រដាប់បន្តពូជ។ ប្រភេទផ្សេងទៀតនៃ HPV អាចធ្វើអោយកោសិកាទាំងនោះ កា្លយទៅជាជំងឺមហារីក។ អ្នកប្រហែលជា អាចនឹងលឺថា HPV អាចធ្វើអោយអ្នក មានជំងឺមហារីកមាត់ស្បូន ប៉ុន្តែវាក៏អាចធ្វើអោយ អ្នកមាន ជំងឺមហារីកដែលមិនសូវនឹងកើតមាន ដូចជា មហារីកទ្វារមាស, លិង្គ, ទ្វារលាមក , ក្បាល និង កផងដែរ ។

អ្វីដែលជាផលលំបាកនៃ HPV នោះគឺថា វាមិនមានរោគសញ្ញាអ្វីស្តែងចេញមកក្រៅនោះទេ។ វាគ្មានការឈឺកឬ គ្រុនក្តៅដែលអាចអោយអ្នក ដឹងថាអ្នកបានឆ្លងវាទេ។ មានមនុស្សជាច្រើន អាចកំចាត់ចោល ការចំលងរោគ នេះបានដោយខ្លួនឯង។ ជាការពិត អ្នកអាចនឹងមិនដឹងអ្វីទាំងអស់ថា អ្នកនឹងមានការចំលងរោគនេះទេ រហូតដល់អ្នកមានការវិវត្ត ជំងឺឬសនៅក្នុងប្រដាប់បន្តពូជ ឬ មានការធ្វើតេស្តកៀរយកកោសិកាភ្នាសមាត់ស្បូន ( Pap test)មក មានសភាពមិនធម្មតា ។

ទោះបីជា HPV អាចនឹងមិនសូវមានភាពល្បីល្បាញ ក្នុងចំណោមជំងឺឆ្លងតាមការរួមភេទ ដូចជា ជំងឺរើម ឬរោគស្វាយ វាជាការពិតគឺជា ជំងឺឆ្លងតាមការរួមភេទដែលតែងតែកើតមាន។ ប្រសិនបើអ្នកជា ជនសកម្មនឹងការរួមភេទអ្នកនឹងមានឱកាស ៥០ លើ ៥០ នៃការឆ្លង វីរុស HPV នេះ ក្នុងដំណាក់កាលណាមួយនៃជីវិត របស់អ្នក ។ ហេតុនេះហើយ ទើបការធ្វើអោយសុំានឹងមេរោគនេះ ជារឿងដ៏សំខាន់សំរាប់អ្នក ៕ http://health.com.kh

អានបន្ត »

Thursday, March 7, 2013

តើពេលថ្ងៃគួរដេកប៉ុន្មានម៉ោងទើបល្អ?

3:48 PM

sothea

បើអ្នកចង់ធ្វើការនៅពេលថ្ងៃរលៀលឱ្យមានអារម្មណ៍ល្អស្រស់ថ្លា រហ័យរហួននោះ អ្នកសិក្សាស្រាវជ្រាវអូស្ត្រាលីបានប្រាប់ថាគ្រាន់តែដេកមួយស្រឡេត១០នាទីពេលថ្ងៃបានទទួលលទ្ធផល្អជាងដេកកន្លះម៉ោងទៅទៀត។លោកសាស្ត្រាចារ្យ លីអនឡេក និងនិស្សិតបរិញ្ញាទោអ៊ែមប៊ែឆីតឆេលបានធ្វើការសិក្សាលទ្ធផលនៃការដេកក្នុងរយៈពេល ខុសៗគ្នា នៅមហាវិទ្យាល័យហលិនដឺស ក្នុងក្រងអះលីលេត បានបង្ហាញឱ្យដឹងថា ដេកមួយស្រឡេត ១០នាទីជួយឱ្យធ្វើការងារបានល្អឡើងរហូត ៣ម៉ោង ។ អ្នកសិក្សាវិភាគបានពិសោធន៍ដោយឱ្យអ្នកចូលរួមពិសោធន៍ទៅដេកយូរជាង១០នាទី។

លទ្ធផលបង្ហាញថា ក្រោយពីពេលដេក ១០នាទី អ្នកចូលរួមសាកល្បងយូរជាង៣០នាទី មិនមានលទ្ធផលដូចនោះទេ ដោយមនុស្សក្នុងក្រុមក្រោយនេះមានអាការៈងងីងងើ ងុយដេកយូរយៈពេលកន្លះម៉ោង ដោយសារតែការដេកយូរ។ លទ្ធផលស្រាវជ្រាវនោះដូចជាចម្លែកបន្តិច តែអ្នកស្រាវជ្រាវាបានធ្វើការសិក្សាម្តងទៀត ដោយលើកក្រោយនេះឱ្យអ្នកចូលរួមសាកល្បងខ្លះដេក ៥ ១០ ២០ និង៣០នាទី។ លទ្ធផលបានបង្ហាញថាមនុស្សដែលដេករយៈពេល១០នាទីក៏អាចធ្វើលំហាត់សាកល្បងបានល្អបំផុតដូចដើមក្នុងខណៈដែលពួកដេកលក់១០នាទីក៏អាចធ្វើលំហាត់សាកល្បងបានល្អ បំផុតដូចដើម ក្នុងខណៈដែលពួកគេដេកលក់ ២០នាទី និង៣០នាទីមានអាការៈងងីងងើ ស្រពេចស្រពិលរហូតដល់ថ្នាក់ឈប់ធ្វើការសាកល្បងក្នុងរយៈពេលកន្លះម៉ោងក្រោយពីការ ដេក។ ឡេកបានប្រាប់ថា បើអ្នកងងុយដេកពេលថ្ងៃ គួរដេកត្រឹមតែ ១០នាទី ប្រសើរជាងដេកយូរជាងនេះ៕

អានបន្ត »

របៀបថែរក្សាផ្ទៃមុខសម្រាប់បុរស

3:45 PM

sothea

សម្រស់គឺជាវត្ថុទិព្វដ៏មានតម្លៃសម្រាប់បុរសស្ត្រីនាសតវត្សទី២១នេះ។ ការថែរក្សាសម្រស់បានល្អពិតជាប្រសើរណាស់ ជា ពិសេសស្បែកមុខបានស្អាតជាបំណងដែលបុរស និងស្ត្រីប្រាថ្នាចង់បាន។ ប៉ុន្តែអ្វីដែលសំខាន់ក្នុងការធ្វើឲ្យបានដូច្នេះនោះគឺ វិធីសាស្ត្រនៃថែរក្សា។ លោកអ្នកអាចមានជម្រើសជាច្រើនដើម្បីថែរក្សាសម្រស់ និងបង្កើនមន្ដស្នេហ៍ដ៏គួរឲ្យទាក់ទាញរបស់លោកអ្នកប៉ុន្តែសម្រាប់ពេលនេះផបហ្សូន សូមណែនាំពីវិធីថែរក្សាសម្រស់ផ្ទៃមុខសម្រាប់បុរសតាមបែបធម្មជាតិ មកជម្រាបជួនប្រិយមិត្តចំនួនបួនចំណុចសំខាន់ៗដូចខាងក្រោម៖

១. បកស្បែកមុខៈ ការបកមុខមានសារសំខាន់ណាស់សម្រាប់កម្ចាត់នូវធូលីកខ្វក់ ប្រេង និងស្បែកដែលងាប់ព្រមទាំងជួយបណ្ដុះនូវកោសិកាថ្មីដែលអាចធ្វើឲ្យស្បែករបស់អ្នកមាន សភាពស្រស់ថ្លា ភ្លឺរលោង និងមើលទៅមានសុភាពល្អ។
២. លាងមុខជាប្រចាំៈ ការលាងមុខដែលល្អបំផុតគឺធ្វើឡើង ពីរដងក្នុងមួយថ្ងៃព្រឹក និងល្ងាច។ ព្រោះការលាងនេះដើម្បីលាងជម្រះនូវ ធូលី បាកើតេរី និងប្រភេទខ្លាញ់មួយចំនួន ដែលតោងស្អិតនឹងស្បែកមុខ ហើយដែលវាអាចបង្កជាមុនបាន។ សុភាពបុរសទាំងឡាយ ក៏ត្រូវតែយល់ដឹងអំពី ប្រភេទសាប៊ូលាងមុខផងដែរ ដោយត្រូវជ្រើសរើសប្រភេទសាប៊ូតែត្រូវនឹងស្បែកមុខរបស់ខ្លួន។
៣. ក្រែមលាបមុខៈ បន្ទាប់ពីការ លាងមុខរួចមក លោកអ្នកត្រូវជ្រើសរើសក្រែមដើម្បីលាបពីលើ បន្ថែមទៀត ព្រោះថាដើម្បីការពារស្បែកពីពន្លឺថ្ងៃ និងជួយថែបំប៉នស្បែកឲ្យមានសុខភាព ល្អមិនឆាប់យារធ្លាក់។
៤. ផ្តល់សំណើមឲ្យស្បែកៈ ដើម្បីឲ្យស្បែក អ្នកមានសុខភាពល្អ ចាំបាច់អ្នកត្រូវផ្ដល់សំណើម ឲ្យវាឲ្យបានសមរម្យដូចជា ទទួលទានទឹកល្មមតាមតម្រូវការរាងកាយ ទទួលទាន បន្លែផ្លែ ឈើ ដែលផ្ដល់វីតាមីនចឹញ្ចឹមស្បែក ជាពិសេស លោកអ្នកត្រូវ ម៉ាស្សាមុខខ្លួនឯងយ៉ាងតិចឲ្យបាន ២ដងក្នុងមួយខែ៕

អានបន្ត »

Tuesday, February 19, 2013

របៀបថែរក្សា ប្រដាប់ភេទស្ដ្រី ឱ្យមានអនាម័យល្អ

8:16 PM

sothea

ធម្មជាតិ តាក់តែងឱ្យរាងកាយ របស់ស្ដ្រីមានលក្ខណៈ ជីវសាស្ដ្រខុសពីបុរស ក្នុងនោះប្រដាប់ បន្ដពូជមានលក្ខណៈខុស គ្នាទាំងស្រុង។ ការខុសគ្នាបែបនេះ ទាមទារឱ្យការថែរក្សា និងការធ្វើអនាម័យ ក៏ខុសគ្នាដែរ។ ប្រដាប់បន្ដពូជ របស់ស្ដ្រី មាន សភាពស្មុគស្មាញ ជាច្រើន ដែលត្រូវមានការ ថែទាំជាពិសេស។ បើការថែរក្សាមិនបានដិតដល់នោះ ស្ដ្រីងាយ ប្រឈមមុខនឹងជម្ងឺផ្សេងៗដែលឆ្លងតាម ប្រដាប់បន្ដពូជ។

របៀបធ្វើអនាម័យប្រដាប់ភេទស្ដ្រី

ការសម្អាតប្រដាប់ភេទជារឿងសំខាន់ដែលត្រូវធ្វើជាប្រចាំ។ ដោយសារប្រព័ន្ធបន្ដពូជរបស់ស្ដ្រីមានលក្ខណៈស៊ាំញ៉ាំ ហើយ អ្វីដែលសំខាន់នោះ គឺ នៅក្នុងប្រព័ន្ធបន្ដពូជរបស់ស្ដ្រីមានទំនាក់ទំនងតភ្ជាប់គ្នា ទាំងអស់។ ហេតុនេះទើបបើក ឱកាសឱ្យអតិសុខុមប្រាណ ដែលបង្កឱ្យកើតជម្ងឺផ្សេងៗ ជួនកាលជម្ងឺនោះអាចឆ្លងរាលដាលដល់កន្លែងដទៃទៀត ដូចជា អាង ត្រគាកជាដើម។ ជាទូទៅ នៅពេល ចូលដល់វ័យដែលមានរដូវ(គ្រប់ការ) នោះរាងកាយស្ដ្រីមានការប្រែប្រួល ខុស ប្លែកពីពេលមុន នោះហើយដែលស្ដ្រីត្រូវយល់ដឹងពីវិធីសាស្ដ្រមួយចំនួន ដើម្បីថែរក្សាអនាម័យខ្លួនប្រាណ។ មិនមែន ការថែរក្សា នេះធ្វើបានចំពោះតែស្ដ្រីមានស្វាមី ឬក៏ស្ដ្រីដែលមានការរួមភេទនោះទេ។

1. ស្ដ្រីនៅក្រមុំ ឬមិនទាន់ឆ្លងកាត់ការរួមភេទ ៖ ថ្វីត្បិតតែមិនទាមទារឱ្យមានការថែរក្សាពិសេស ប៉ុន្ដែមិនមែនបាន ន័យថា មិនថែទាំសោះនោះទេ។ ព្រោះមានជម្ងឺមួយចំនួនអាចកើតមានទ្បើងនៅលើប្រដាប់បន្ដពូជរបស់ស្ដ្រី ដែល មិនធ្លាប់ឆ្លងកាត់ការរួមភេទ ដូចជាធ្លាក់ស រលាកអវៈយវៈភេទ រមាស់ជាដើម។ ដូចនេះចំពោះស្ដ្រីនៅក្រមុំ ឬនៅលីវមិន ចាំបាច់មានអ្វីច្រើនទេ ដោយគ្រាន់តែ សម្អាតប្រដាប់ភេទដោយទឹកស្អាតធម្មតារៀងរាល់ពេលបន្ទោរបង់រួច ដោយមិន ត្រូវលូកសម្អាតទៅដល់ខាងក្នុងទេ ព្រោះអាចបណ្ដាល ឱ្យប៉ះពាល់ដល់សន្ទះព្រហ្មចារី ឬក៏ភ្នាសស្បូន។ ម្យ៉ាងទៀត នៅក្នុងប្រដាប់បន្ដពូជរបស់នារី តែងតែបញ្ចេញសារធាតុសម្រាប់សម្អាត ផ្នែកខាងក្នុងដោយស្វ័យប្រវត្ដិ។ ស្ដ្រីដែល នៅក្រមុំ ឬនៅលីវមិនគួរប្រើប្រាស់ទឹកអនាម័យសម្រាប់លាងសម្អាតទេ លើកលែងតែមាន វេជ្ជបញ្ជាពីគ្រូពេទ្យ។

2. ស្ដ្រីមានស្វាមី ឬឆ្លងកាត់ការរួមភេទ ៖ ក្នុងដំណាក់កាលនេះ គ្រប់ស្ដ្រីទាំងអស់ជាស្វ័យប្រវត្ដិ តែងតែមានការហ្មត់ ចត់ក្នុង ការធ្វើអនាម័យប្រដាប់ភេទ។ ដោយហេតុថាដើម្បីឱ្យទំនាក់ទំនងផ្លូវភេទប្រព្រឹត្ដទៅដោយរលូន អនាម័យជា ប្រការមួយមិនអាច មើលរំលងបាន។ មានគូស្វាមីភរិយាមួយចំនួនរកាំរកូសគ្នាដោយការមិនយល់ពីការថែរក្សា អនាម័យ ក្នុងជីវភាពជាប្ដីប្រពន្ធ។ ទំនាក់ ទំនងផ្លូវភេទរវាងប្ដី និងប្រពន្ធជារឿងដែលមិនអាចខ្វះបាន។ មុនពេលរួមភេទ គ្រប់ស្ដ្រីទាំងអស់ត្រូវតែសម្អាតអវៈយវៈភេទឱ្យបានល្អ ដើម្បីបង្ការការចម្លងរោគតាមផ្លូវភេទ ក៏ដូចជាក្លាហានក្នុង ការ និយាយទៅកាន់ស្វាមី ឬក៏ដៃគូរបស់ខ្លួនពីបញ្ហានេះដែរ។ បើលោក ស្រីអ្នកនាងសម្អាតតែម្នាក់ឯង ហើយភាគី ម្ខាងទៀតមិនសម្អាត ជម្ងឺផ្សេងៗនៅតែអាចមានឱកាសរាតត្បាតដដែល។ ក្នុងករណីដែល មានជម្ងឺ ដែលបង្កតាម ការរួមភេទ ចាំបាច់ត្រូវតែព្យាបាលទាំងពីរនាក់ ទោះបីជាភាគីខាងប្រុសមិនមានជារោគសញ្ញា ឬក៏ការឈឺចាប់ អ្វីក៏ដោយ ។ បើមិនដូច្នោះទេ អ្នកទាំងពីរនឹងចម្លងឱ្យគ្នាទៅវិញទៅមកមិនមានថ្ងៃជាសះស្បើយឡើយ ថែមទាំងអាចបណ្ដាល ឱ្យក្លាយ ទៅជាជម្ងឺផ្សេងៗទៀតជាច្រើន ហើយមានគ្រោះថ្នាក់ទៀតផង ដូចជាជម្ងឺមហារីកស្បូនជាដើម។ ការព្យាបាល ជម្ងឺនោះទៀតសោត សូមមេត្ដាប្រុងប្រយ័ត្ន មិត្ដនារីទាំងអស់មិនមែនសុទ្ធតែអាចឱ្យគ្រូពេទ្យបើកស្បូនពិនិត្យ បានគ្រប់ ពេលនោះទេ ព្រោះអាចឆ្លងរោគតាម ឧបករណ៍សម្រាប់បើកស្បូន បើមិនមានអនាម័យគ្រប់គ្រាន់ និងជួនកាលអាច ធ្វើឱ្យរលាកស្បូនទៀតផង។

ប្រការគួរប្រតិបត្ដិ ពេលព្រឹត្ដិការណ៍ពិសេស រាងកាយស្ដ្រីតែងតែមានការប្រែប្រួលជាប្រចាំ ដូចជាពេលមានរដូវ ពេល មាន ផ្ទៃពោះ ពេលសម្រាលកូនជាដើម។

1. នៅពេលមានរដូវ ៖ ជាធម្មតាក្នុងមួយខែមានរយៈពេលពី៣ទៅ៧ថ្ងៃ ដែលស្ដ្រីមានធ្លាក់ឈាមរដូវ ដោយគ្រាន់តែស្ដ្រី ខ្លះ មានរដូវទៀងទាត់ និងមិនទៀងទាត់តែប៉ុណ្ណោះ។ គ្រប់ស្ដ្រីទាំងអស់ត្រូវ តែរក្សាអនាម័យឱ្យបានច្រើន ជាងពេល មិនមានរដូវ ព្រោះ នៅពេលនេះសរីរាង្គបន្ដពូជរបស់ស្ដ្រីខ្សោយជាងពេលធម្មតា ហើយងាយឆ្លងរោគផ្សេងៗ។ ការប្រើប្រាស់ សំឡីអនាម័យនោះទៀត សោត ចាំបាច់តម្រូវឱ្យសុភាពនារីទាំងអស់ ចេះជ្រើសរើសសំឡី អនាម័យ ដែលមាន សភាពទន់ ហើយឆាប់ជក់ទឹកបានល្អ។ គប្បីប្ដូរសំឡី អនាម័យរៀងរាល់៣ ឬ៤ម៉ោងម្ដង ព្រោះថាបើទុក រយៈពេលយូរ អាចធ្វើឱ្យក្ដៅ និងបង្កជាស្នាមកន្ទួលរមាស់ទៀតផង។

2. នៅពេលមានផ្ទៃពោះ ៖ កំឡុងពេលនេះ ដោយសារតែការប្រែប្រួលនៃអ័រម៉ូន ជួនកាលស្ដ្រីមានធ្លាក់ នូវវត្ថុរាវ ពណ៌សថ្លា ចេញពីទ្វារមាសដែលទាមទារឱ្យស្ដ្រីសម្អាតឱ្យបានញឹកញាប់ យ៉ាងហោចណាស់ឱ្យបានពីរដងក្នុងមួយថ្ងៃ ប៉ុន្ដែមិនត្រូវលូកលាងទៅដល់ ផ្នែកខាងក្នុងទេ។ បើមានបញ្ហាមិនប្រក្រតីណាមួយ គប្បីត្រូវប្រញាប់រកគ្រូពេទ្យជំនាញ មិនអាចប្រើថ្នាំព្យាបាលដោយខ្លួនឯងបានទេ ព្រោះមានថ្នាំប្រភេទខ្លះអាចបង្កឱ្យមានផលវិបាកយ៉ាងធ្ងន់ធ្ងរ។

3. ក្រោយពេលសម្រាល ៖ ជាធម្មតាតែងតែមានធ្លាក់ឈាម ហេតុនេះគ្រប់ស្ដ្រីទាំងអស់ត្រូវសម្អាតអវៈយវៈភេទជាមួយ នឹងទឹកក្ដៅឧណ្ហៗ និងឧស្សាហ៍ផ្លាស់ប្ដូរសម្លៀកបំពាក់ ឬសំឡីអនាម័យឱ្យបានញឹកញាប់។ សម្លៀកបំពាក់ ឬឧបករណ៍ ប្រើប្រាស់ ផ្សេងៗ ដែលទាក់ទងនឹងអវៈយវៈភេទ ត្រូវសម្អាតឱ្យបានហ្មត់ចត់ ព្រមជាមួយនឹងការសម្លាប់មេរោគឱ្យបានល្អ មុននឹងប្រើប្រាស់។

ការពារខ្លួនឯង ប្រសើរជាងព្យាបាល

មានតែសុភាពនារីខ្លួនឯងទេ ដែលអាចជួយខ្លួនឯងបានពីបញ្ហាអនាម័យនេះ។ ប្រការមួយចំនួនដែលសុភាព នារីចាំបាច់ ត្រូវ តែដឹងរួមមាន៖

សូមជ្រើសរើសខោទ្រនាប់ពីសាច់ក្រណាត់កូតុង និងផ្លាស់ប្ដូរជារៀងរាល់ថ្ងៃ។

ក្រោយពេលបន្ទោរបង់ ត្រូវលាងសម្អាតប្រដាប់ភេទឱ្យបានស្អាត ដោយជូតសម្អាតចាប់ពីមុខមកក្រោយ ដើម្បីកុំឱ្យមាន ការនាំយកមេរោគពីផ្នៃកចុងនៃពោះវៀនធំ(ទ្វារលាមក)មកកាន់ប្រដាប់បន្ដពូជ។

រៀងរាល់៦ខែ ឬ១ឆ្នាំម្ដង ទោះមិនមានបញ្ហាអ្វីក៏ដោយ ក៏ស្ដ្រីត្រូវតែទៅត្រួតពិនិត្យសុខភាពឱ្យបានទៀងទាត់ ក្រែងមាន បញ្ហាមួយចំនួនដែលមិនស្ដែងចេញជារោគសញ្ញា។

ព្យាយាមថែទាំសម្អាតអវៈយវៈភេទផ្នែកខាងក្រៅកុំឱ្យមានអាការរលាក ពីព្រោះបើមានការរលាក ហើយមិនបានថែទាំ ឱ្យបានដិតដល់នោះ នាំឱ្យបាក់តេរីវាយលុករាតត្បាតទៅស្បូន ដៃស្បូនជាដើម។

ត្រូវមានការប្រុងប្រយ័ត្នក្នុងការជ្រើសរើសទឹកអនាម័យសម្រាប់សម្អាត អវៈយវៈភេទ ជាពិសេសត្រូវផ្ដោតសំខាន់ទៅលើ តុល្យភាពរវាងបាស និងអាស៊ីដ និងប្រតិកម្មផ្សេងៗ ដែលបង្កឡើងពីការប្រើប្រាស់ទឹកអនាម័យដែលគ្មានគុណភាព។

ដំបូន្មានអ្នកជំនាញ

អនាម័យអវៈយវៈភេទជារឿងដែលមិនអាចខ្វះបាន ហើយក៏មិនមាន អ្នកណាអាច ធ្វើជំនួសបានដែរ។ សូមព្យាយាម ជួយខ្លួន ឯងក្នុងរឿងនេះ។ ធ្វេសប្រហែសតែបន្ដិច ជួនកាលឱកាស ធ្វើជាម្ដាយ ក៏សុភាពនារីមិនអាចទទួលបានដែរ៕ Lookingtoday

អានបន្ត »

Friday, February 8, 2013

វ៉ាក់សាំង HPV អាចជួយការពារជំងឺមហារីកមាត់ស្បូន

3:14 PM

sothea

អ្នកប្រហែលជាបានលឺអំពីវ៉ាក់សាំងការពារជំងឺមហារីកមាត់ស្បូនដែលត្រូវបានគេហៅថា វ៉ាក់សាំង HPV (Human Papilloma Virus) ។ វ៉ាក់សាំងនេះការពារប្រឆាំងនឹងវីរុសដែលបណ្តាលអោយកើតមានជំងឺមហារីកមាត់ស្បូនភាគច្រើនបំផុត។ ជំងឺមហារីកមាត់ស្បូនគឺជាមូលហេតុនៃការស្លាប់ក្នុងលំដាប់ទី២ចំពោះស្ត្រី។

ប្រសិនបើអ្នកជាឪពុកម្តាយដែលមានកូនស្រីនោះ, សូមពិចារណាក្នុងការចាក់វ៉ាក់សាំងនេះ។ ខាងក្រោមនេះគឺជាព័ត៌មានមួយចំនួនអំពីមេរោគ HPV និងវ៉ាក់សាំង៖

មេរោគ HPV គឺជាវីរុសដែលត្រូវបានចម្លងតាមការរួមភេទទូទៅបំផុត
វ៉ាក់សាំង HPV ការពារប្រឆាំងបាន៧០%នៃប្រភេទវីរុសដែលបណ្តាលអោយកើតមានជំងឺមហារីកមាត់ស្បូន
ស្ត្រីភាគច្រើននឹងត្រូវបានចម្លងមេរោគ HPV នេះនៅពេលណាមួយនៅក្នុងជីវិតរបស់ពួកគេ ដែលជាទូទៅនៅអាយុចន្លោះពី៥០ឆ្នាំ ហើយប្រហែលជា៨០%នៃស្ត្រីទាំងនោះធ្លាប់មានមេរោគនោះ
មេរោគ HPV ជាធម្មតាអាចបណ្តាលអោយមានរោគសញ្ញាតិចតួច ឬមិនមានរោគសញ្ញាសោះ
មេរោគ HPV ក៏អាចបណ្តាលអោយមានជំងឺមហារីកប្រដាប់ភេទដទៃទៀតផងដែរដែលមានដូចជា ជំងឺមហារីកទ្វារមាស, ជំងឺមហារីករន្ធគូថ និងជំងឺមហារីកក្បាល និងក
វ៉ាក់សាំង HPV ត្រូវបានគេណែនាំអោយធ្វើលើក្មេងស្រីដែលមានអាយុជុំវិញ ១១ ឬ១២ឆ្នាំ ហើយវាក៏ត្រូវបានណែនាំអោយធ្វើលើស្ត្រីដែលអាយុចន្លោះពី១៣ឆ្នាំ ទៅ២៦ឆ្នាំផងដែរ
វានៅតែជារឿងសំខាន់ដើម្បីជួយជាមួយនឹងគ្រូពេទ្យដើម្បីពិនិត្យជាទៀងទាត់ និងធ្វើតេស្តមួយចំនួនប្រសិនបើអ្នកបានទទួលវ៉ាក់សាំងនោះ

ទស្សនៈពីក្រោយវ៉ាក់សាំងនេះគឺដើម្បីចែករំលែកការការពារពីវីរុសមុននឹងក្មេងស្រីប្រលូកក្នុងសកម្មភាពផ្លូវភេទ។ វ៉ាក់សាំងនេះត្រូវបានផ្តល់អោយតាមរយៈការចាក់នូវនឹងដៃ ឬភ្លៅ នៅពេលដែលលំដាប់នៃការចាក់បីដងអំឡុងពេល៦ខែត្រូវបានធ្វើឡើង។ ការការពារល្អបំផុតប្រឆាំងនឹងមេរោគ HPV ត្រូវបានផ្តល់អោយក្រោយពីការចាក់បីដងនៃវ៉ាក់សាំងនោះត្រូវបានធ្វើ។

វ៉ាក់សាំង HPV ជាទូទៅត្រូវបានណែនាំចំពោះបុរស និងក្មេងប្រុសដែលមានអាយុនៅចន្លោះពី១១ឆ្នាំ ទៅ២៦ឆ្នាំផងដែរដើម្បីការពារការឆ្លងមេរោគប្រភេទនោះលើប្រដាប់ភេទ៕

អានបន្ត »

Wednesday, January 30, 2013

គុណប្រយោជន៍នៃការពាក់ស្រោមជើងពេលគេង

8:38 AM

sothea

សម្រាប់មនុស្សដែលចូលចិត្តពាក់ស្រោមជើង នៅពេលគេង គឺជាប្រភេទមនុស្សដែលបានយកចិត្តទុកដាក់ខ្លាំងក្នុងការថែរក្សាជើងរបស់ខ្លួន ។ ការពាក់ស្រោមជើងនៅពេលគេង ពិតជាផ្តល់គុណប្រយោជន៍ខ្ពស់សម្រាប់ជើងរបស់អ្នក ។ តើអ្នកដឹងទេថា ការពាក់ស្រោមជើងនៅពេលគេងបានផ្តល់គុណប្រយោជន៍អ្វីខ្លះដល់ជើងរបស់អ្នក ? ខាងក្រោមនេះ គឺជាចំណុចសំខាន់មួយចំនួននៃការពាក់ស្រោមជើងនៅពេលគេង ៖

-ការពាររមួលក្រពើ និងក្តាមកាច់ជើង : ប្រសិនបើអ្នកស្ថិតក្នុងប្រភេទមនុស្សដែលមានបញ្ហាក្តាមកាច់ជើង ឬរមួលក្រពើនោះ អ្នកគួរតែពាក់ស្រោមជើងនៅពេលគេង ព្រោះថា វាអាចជួយកាត់បន្ថយអាការៈនេះបាន ។
-រក្សាកម្តៅ : ដូចដែលអ្នកបានដឹងស្រាប់ហើយថា ស្រោមជើងគឺជាផ្នែកមួយក្នុងការជួយរក្សាកម្តៅជើងរបស់អ្នក នៅពេលដែលអ្នកមានអារម្មណ៍ថារងារ ។ ប្រសិនបើជើងរបស់អ្នកមានភាពកក់ក្តៅ វាអាចជួយទប់ស្កាត់បញ្ហាផ្តាសសាយបាន ។
ជួយឱ្យជើងស្រស់ស្អាត : បន្ទាប់ពីអ្នកលាបឡេថែរក្សាស្បែកនៅពេលយប់ ក៏ដូចជាពេលថ្ងៃ អ្នកគួរតែពាក់ស្រោមជើង ព្រោះវាអាចជួយថែរក្សាសំណើមនៃជើងរបស់អ្នក ក៏ដូចជាជួយឱ្យស្បែកទន់រលោងផងដែរ ។
-ជួយការពារពីរោគផ្សិត និងសត្វល្អិតទិច ឬខាំ : នៅពេលយប់ ប្រសិនបើអ្នកពាក់ស្រោមជើង វាអាចជួយការពារជើងរបស់អ្នកពីបញ្ហាផ្សិត ក៏ដូចជាសត្វល្អិតទិចផងដែរ ។

អានបន្ត »

Tuesday, January 29, 2013

អត្ថប្រយោជន៍របស់ផ្លែអម្ពិលចំពោះសុខភាព

8:39 AM

sothea

ផ្លែអម្ពិល គឺជាប្រភេទផ្លែឈើមួយប្រភេទដែលមានប្រភពមកពីដើមរុក្ខជាតិខ្ពស់ម្យ៉ាងដែលមានដុះនៅក្នុងប្រទេសអាស៊ី និង អាហ្វ្រិកខាងជើង។ សាច់ផ្លែខាងក្នុង គឺជាផ្នែកដ៏សំខាន់នៃផ្លែអម្ពិលនេះ ដែលវាត្រូវបានគេប្រើនៅក្នុងផលិតផលអាហារមួយចំនួន។

នៅពេលដែលពួកវានៅមិនទាន់ទុំនោះវាមានរសជាតិជូរមុតដែលវាមានកម្រិតនៃជាតិអាស៊ីតយ៉ាងខ្ពស់។ ផ្លែអម្ពិលដែលនៅមិនទាន់ទុំត្រូវបានគេយកវាទៅប្រើក្នុង ម្ហូបអាហារផ្សេងៗនិងធ្វើជាស្កគ្រាប់នៅក្នុងប្រទេសអាស៊ី និង អាមេរិកឡាទីន។

អត្ថប្រយោជន៍របស់ផ្លែអម្ពិលចំពោះសុខភាព

• ទឹកផ្លែអម្ពិល គឺអាចប្រើជាថ្នាំបញ្ចុះលាមកក្នុងកម្រិតស្រាលមួយ។

• ផ្លែអម្ពិល ត្រូវបានគេប្រើដើម្បីព្យាបាល នូវភាពមិនប្រក្រតីរបស់ទឹកប្រមាត់។

• ផ្លែអម្ពិល ជួយបន្ទាបកម្រិតកូឡេស្តេរ៉ូល ។

• វាជួយធ្វើអោយ សុខភាពបេះដូង មានភាពល្អប្រសើរឡើង។

• សាច់, ស្លឹក និង ផ្ការបស់វា ជាមួយនឹងការរួមផ្សំផ្សេងៗគ្នាជាច្រើនទៀត ពួកវាត្រូវបានយក ទៅ លាបលើសន្លាក់ ដែលមានការឈឺចាប់ និង ហើមប៉ោង។

• ផ្លែអម្ពិល ត្រូវបានគេប្រើសម្រាប់ព្យាបាល អាការៈឈឺបំពង់ក។

• ទឹកផ្លែអម្ពិល ដែលមានកម្តៅ ត្រូវបានគេប្រើសម្រាប់ព្យាបាលជំងឺឈឺភ្នែក។ ថ្នាំភ្នែកតំណក់ទឹកដែលត្រូវបានធ្វើមកពីគ្រាប់ផ្លែអម្ពិលអាចប្រើបានសម្រាប់ការព្យាបាលអាការៈភ្នែកស្ងួត។

• ផ្លែអម្ពិល ត្រូវបានគេប្រើជាឱសថបញ្ចុះទឹកនោម សម្រាប់ព្យាបាល បញ្ហាមិនប្រក្រតីនៃទឹក ប្រមាត់, ជំងឺខាន់លឿង និង ជំងឺផ្តាសាយ។

• វា ជាប្រភពដ៏ល្អនៃពពួកសារធាតុប្រឆាំងនឹង ប្រតិកម្មអុកស៊ីត ដែលវាអាចជួយប្រយុទ្ធប្រឆាំងនឹង ជំងឺ មហារីកបាន។

• ផ្លែអម្ពិល ជួយកាត់បន្ថយគ្រុនក្តៅ និង ជួយផ្តល់នូវការ ការពារចំពោះជំងឺគ្រុនផ្តាសាយ។ យកសាច់វាខាងក្នុងមកឆុងនឹងទឹកក្តៅរួចទុកវាចោលរយៈពេលមួយម៉ោង ដើម្បីអោយវាមានប្រសិទ្ធភាពល្អ ឬ ឆុងវាជាមួយនឹងទឹកក្តៅឧណ្ណៗ ដោយដាក់ទឹកឃ្មុំចូលបន្តិច ដើម្បីអោយវាមានរសជាតិផ្អែម។ វិធីនេះគឺអាចជួយបន្ទាបសីតុណ្ហភាពបានជាច្រើនអង្សា។

• ផ្លែអម្ពិលជួយអោយរាងកាយអ្នកជួយរំលាយអាហារបានល្អ។

• វាត្រូវបានគេប្រើដើម្បីលាបនៅលើស្បែក ដើម្បីជួយព្យាបាលនូវការរលាក។

• សំបកពណ៌ក្រហមដែលស្រោបនៅខាងក្រៅគ្រាប់របស់វា គឺជាថ្នាំសម្រាប់ព្យាបាលដ៏មានប្រសិទ្ធភាពក្នុងការប្រឆាំងនឹងជំងឺរាគ និង រាគមួល៕

អានបន្ត »

Monday, January 28, 2013

ជំងឺបាយភ្នែកនិងអាការសម្រាប់សម្គាល់

7:17 PM

sothea

ជួបជាមួយលោកវេជ្ជបណ្ឌិតងី ម៉េង ប្រធានកម្មវិធីជាតិសុខភាពភ្នែកបានមានប្រសាសន៍ប្រាប់កោះសន្តិភាពឱ្យដឹងថា ជំងឺបាយភ្នែកកើតមានពីការស្រអាប់របស់កែវភ្នែក ។ ជាធម្មតាកែវភ្នែកមានលក្ខណៈថ្លាធ្វើតួនាទីរួមពន្លឺឱ្យចំលើសរសៃប្រសាទបាតភ្នែក ។ ពេលកើតទៅជាបាយភ្នែក សរសៃប្រសាទបាតភ្នែកទទួលពន្លឺបានមិនពេញល្អធ្វើឱ្យអ្នកជំងឺមានខ្សែភ្នែកស្រអាប់ដូចសម្លឹងឆ្លងកាត់កញ្ចក់ស្រអាប់ តែមិនមានអាការហើមរលាក ឬឈឺចាប់ទេ តែកែវភ្នែកស្រអាប់ឡើងៗ ចំណែកឯការមើលឃើញនឹងធ្លាក់ចុះ ។

លោកវេជ្ជបណ្ឌិតងី ម៉េង បានមានប្រសាសន៍ឱ្យដឹងទៀតថា បាយភ្នែកមិនមែនជាជំងឺឆ្លង ហើយវានឹងមិនរាលដាលពីភ្នែកម្ខាងទៅភ្នែកម្ខាងទេ ទោះបីជាភាគច្រើននឹងកើតឡើងព្រមគ្នាទាំងសងខាង តែអាការអាចធ្ងន់មិនស្មើគ្នាទេ។ ការប្រើខ្សែភ្នែកច្រើនមិនមែនជាមូលេហតុរបស់បាយភ្នែក ឬធ្វើឱ្យអាការរបស់ជំងឺនេះធ្ងន់ឡើយ។ បាយភ្នែករមែងកើតឡើងយឺតៗ ខ្សែភ្នែករបស់អ្នកជំងឺភាគច្រើននឹងស្រអាប់ស្រវាំងរហូតមើលឃើញមិនច្បាស់អាចប្រើពេលយូរ ឬច្រើនខែ ច្រើនឆ្នាំ ។

ចំពោះមូលហេតុរបស់ជំងឺបាយភ្នែកដែលជួបច្រើនបំផុតនោះគឺ ៖
-វ័យ ៖ ភាពជរាដែលធ្វើឱ្យកែវភ្នែកស្រអាប់ហើយឡើងរឹង តែបាយភ្នែកប្រភេទនេះអាចកើតឡើងបានខ្លះចំពោះអ្នកជំងឺដែលមានអាយុ៤០ឆ្នាំឡើងទៅ ។
-ឧប្បត្តិហេតុ ៖ បាយភ្នែកកើតឡើងបានជាមួយមនុស្សគ្រប់វ័យ ប្រសិនបើគ្រាប់ភ្នែកទទួលអន្តរាយពីការប៉ះទង្គិចយ៉ាងធ្ងន់ដូចជាមុតសារធាតុគីមី ឬកាំរស្មី ។
ជំងឺបាយភ្នែកក៏អាចបង្កឡើងដោយជំងឺទូទៅមួយចំនួនផងដែរ ដូចជាការឆ្លងមេរោគជំងឺទឹកនោមផ្អែម ការទទួលថ្នាំប្រភេទខ្លះ និងជំងឺភ្នែកមួយចំនួនវាអាចជាមូលហេតុជំរុញឱ្យកែវភ្នែកស្រអាប់ ។
-លក្ខណៈតពូជ និងសុខភាពធម្មតាពីកំណើតៈ ក្នុងករណីអ្នកជំងឺនៅក្មេងខ្ចី បាយភ្នែកកើតឡើងតាំងពីនៅក្នុងផ្ទៃម្តាយ ដូចជាម្តាយមានជំងឺស្អូចខណៈពេលកំពុងមានផ្ទៃពោះ តែក្នុងប្រការខ្លះបាយភ្នែកក៏កើតឡើងដោយគ្មានមូលហេតុពិតប្រាកដដែរ ។
លោកវេជ្ជបណ្ឌិតបានមានប្រសាសន៍បន្តទៀតថា ចំពោះអាការរបស់ជំងឺបាយភ្នែកដែលអ្នកជំងឺអាចសម្គាល់បាន គឺមានដូចជា៖
-ខ្សែភ្នែកស្រវាំង ដូចជាមានពពកបាំងហើយស្រវាំងលឿន ឬយឺត ខ្លាំង ឬតិច អាស្រ័យទៅតាមកម្រិត និងទីតាំងរបស់ភាពស្រអាប់ក្នុងសាច់កែវភ្នែក ប្រសិនជាចំក្នុងបរិវេណខាងៗអ្នកជំងឺនឹងនៅមើលឃើញបានច្បាស់តាមអារម្មណ៍ ។
-អ្នកជំងឺអាចឃើញវត្ថុបែកជាពីរជួរ Diplopia និងស៊ូពន្លឺមិនបាន ។ អាការលើកដំបូងរបស់បាយភ្នែកក្នុងប្រការខ្លះខ្សែភ្នែកអ្នកជំងឺ នឹងខ្លីឡើងធ្វើឱ្យត្រូវការប្តូរវ៉ែនតាជាញឹកញាប់ ពេលបាយភ្នែកឡើងខ្លាំងខ្សែភ្នែកនឹង
ស្រអាប់រហូតវ៉ែនតាជួយអ្វីក៏មិនបាន កូនក្រមុំភ្នែកធម្មតាឃើញពណ៌ខ្មៅក្លាយទៅជាពណ៌លឿង ឬស ។

ដូច្នេះប្រសិនបើអ្នកជំងឺទុកចោលរហូតបាយភ្នែកទុំហួសទៅអាចកើតជំងឺទឹកដក់ក្នុងភ្នែក និងជំងឺរលាកប្រស្រីភ្នែកដែលធ្វើឱ្យភ្នែកឈឺឡើងក្រហម និងអាចពិការបាន ។ជាការពិតណាស់មុនពេលព្យាបាលវេជ្ជបណ្ឌិតឯកទេសភ្នែកនឹងត្រួតពិនិត្យវិនិច្ឆ័យរោគលើគ្រាប់ភ្នែកឱ្យបានយ៉ាងលំអិត ដើម្បីញែករកប្រភេទទីតាំង និងភាពធ្ងន់របស់បាយភ្នែក ។ ក្រៅពីនេះវេជ្ជបណ្ឌិតត្រូវការវាស់សម្ពាធទឹកភ្នែក និងពិនិត្យទឹកចាហួយភ្នែកជាមួយសរសៃប្រសាទភ្នែក បាតភ្នែកយ៉ាងលំអិត ដើម្បីឱ្យដឹងច្បាស់ថា បាយភ្នែកជាមូលហេតុមួយដែលធ្វើឱ្យខ្សែភ្នែកស្រអាប់ស្រវាំង ឬមានជំងឺផ្សេងៗមកផ្សំជាមួយ ។

ចំណែកឯវិធីព្យាបាលជំងឺបាយភ្នែកវិញក្នុងករណីខ្លះវេជ្ជបណ្ឌិតអាចប្រើថ្នាំបន្តក់ ដើម្បីព្យាយាមបង្អង់ភាពធ្ងន់របស់បាយភ្នែក តែមិនមានថ្នាំប្រភេទណាមួយអាចកាត់បន្ថយ ឬបញ្ឈប់បាយភ្នែកបានទេ ពេលខ្សែភ្នែកស្រអាប់ស្រវាំងធ្វើឱ្យមានការពិបាកក្នុងការប្រើជីវិតប្រចាំថ្ងៃ ។ ការវះកាត់ ឬការបំបែកបាយភ្នែកជាវិធីព្យាបាលដែលជួយធ្វើឱ្យកែវភ្នែករបស់អ្នកជំងឺថ្លាឡើង និងមើលឃើញបានដូចដើម ៕ កោះសន្តិភាព

អានបន្ត »

Thursday, January 24, 2013

តើគួរប្រើថ្នាំនិងរក្សាថ្នាំតាមវិធីណា?

7:32 AM

sothea

ក្នុងការប្រើប្រាស់ថ្នាំដោយខ្លួនឯង តើអ្នកគួរធ្វើបែបណាមុនពេលលេបវា?

វិធីសាស្ត្រមួយចំនួនក្នុងការប្រើប្រាស់

ថ្នាំដោយខ្លួនឯង និងការរក្សាទុកថ្នាំឱ្យមានសុវត្ថិភាពដូចខាងក្រោម៖

១- មិនគួរប្រើប្រាស់ថ្នាំញឹកញាប់រាល់ពេលអ្នកមានអាការៈឈឺចាប់នោះទេ ឬក៏មិនគួរប្រើប្រាស់ថ្នាំច្រើនមុខពេកនោះទេ។

២- អ្នកមិនត្រូវទទួលទានគ្រឿងស្រវឹងនៅពេលអ្នកលេបថ្នាំនោះទេ។
៣- សូមធ្វើការអានព័ត៌មានឱ្យបានច្បាស់មុននឹងប្រើថ្នាំនោះ ដែលព័ត៌មានបានបង្ហាញជូនអ្នកនៅលើសម្បកប្រអប់ជាដើម។

៤- អ្នកមិនគួរប្រើប្រាស់ថ្នាំដោយខ្លួនឯងក្នុងសភាពលាក់លៀមនោះទេ ព្រោះអាចបណ្តាលឱ្យអ្នកមានការភ័ន្តច្រឡប់ក្នុងលេបវា។

៥- សម្រាប់ស្ត្រីមានផ្ទៃពោះមិនគួរទទួលទានថ្នាំតាមការនឹកឃើញនោះទេ គឹត្រូវទៅពិគ្រោះជាមួយគ្រូពេទ្យជាមុនសិន ព្រោះអាចប៉ះពាល់ដល់សុខភាពទារក។

អានបន្ត »

Monday, January 21, 2013

គុណប្រយោជន៍របស់ផ្លែគូលែន

10:12 AM

sothea

ផ្លែគូលែនមានផ្ទុកប្រូតេអ៊ីនសារធាតុសរសៃកាបូនអ៊ីដ្រាតកាល់ស្យូមខ្លាញ់និងជាតិទឹកដែលជួយដល់សុខភាព។ផ្លែគូលែនវាមានសាច់ថ្លាល្អក់ដែលអាចបរិភោគបានទាំងផ្លែស្រស់ ទាំងផ្លែស្ងួតនិងច្រកកំប៉ុងដូចផ្លែមៀននិងសាវម៉ាវដែរ។ ផ្លែគូលែនជាប្រភពផ្លែឈើដែលសំបូរទៅដោយវីតាមីនCដែលលោកអ្នកពិសាផ្លែគូលែនមួយផ្លែអាចទទួលបានវីតាមីនC៤០ភាគរយច្រើនជាងវីតាមីនCនៅក្នុងផ្លែក្រូមមួយ។

គ្រាប់គូលែនត្រូវបានប្រើប្រាស់សម្រាប់អ្នកមានបញ្ហាពោះវៀនហើយវាក៏អាចប្រើសម្រាប់ព្យាបាលការឈឺចាប់ផ្នែកសរសៃប្រសាទបានផងដែរមួយវិញទៀតផ្លែគូលែនមានថាមពលខ្លាំងក្នុងការជួយលើកកម្លាំងនិងជួយរំលាយអាហារ ទៀតផង៕

អានបន្ត »

សុខភាពសំរាប់ខ្មែរ

Sunday, March 24, 2013

តើ HPV គឺជាអ្វី ?

Thursday, March 7, 2013

តើពេលថ្ងៃគួរដេកប៉ុន្មានម៉ោងទើបល្អ?

របៀបថែរក្សាផ្ទៃមុខសម្រាប់បុរស

Tuesday, February 19, 2013

របៀបថែរក្សា ប្រដាប់ភេទស្ដ្រី ឱ្យមានអនាម័យល្អ

Friday, February 8, 2013

វ៉ាក់សាំង HPV អាចជួយការពារជំងឺមហារីកមាត់ស្បូន

Wednesday, January 30, 2013

គុណប្រយោជន៍នៃការពាក់ស្រោមជើងពេលគេង

Tuesday, January 29, 2013

អត្ថប្រយោជន៍របស់ផ្លែអម្ពិលចំពោះសុខភាព

Monday, January 28, 2013

ជំងឺបាយភ្នែកនិងអាការសម្រាប់សម្គាល់

Thursday, January 24, 2013

តើគួរប្រើថ្នាំនិងរក្សាថ្នាំតាមវិធីណា?

Monday, January 21, 2013

គុណប្រយោជន៍របស់ផ្លែគូលែន

ទំព័រហ្វេសប៊ុក

អត្តបទពេញនិយម

ចំណាត់ក្រុម

ក្រុមអត្តបទចុះផ្សាយ

ចំនួនភៀ្ញវចូលទស្សនា