11:32 AM
sothea
ប៉ុន្តែមានពេលខ្លះនោះ សាច់ដុំសន្ទះទ្រូង ត្រូវបានទទួលការរំខាន។ នៅពេលដែលបញ្ហានេះកើតមាន វាបានទាញ ដោយកន្ត្រាក់ៗ រួចធ្វើអោយបឺតខ្យល់ចូលទៅក្នុងបំពង់ក របស់អ្នកក្នុងពេលភ្លាមៗនោះ ។ ហើយនៅពេលដែលខ្យល់ បានរត់យ៉ាងប្រញាប់ទៅបុកនឹងប្រអប់សំលេង នោះអ្នកនឹងកើតមាននូវ សំលេងត្អើកដ៏ខ្លាំងមួយ ។
កត្តាមួយចំនួន ដែលអាចធ្វើអោយរំខាន ដល់សាច់ដុំសន្ទះទ្រូងរបស់អ្នកមានដូចជា៖ ការទទួលទាន អាហារញាប់ ឬ ច្រើនពេក, មានការរំខានដែលកើតមាននៅក្នុង បំពង់ក ឬ ក្រពះ ឬ ក៏ដោយសារតែ អារម្មណ៍នៃភាពភ័យខ្លាច ឬ រំភើបពេក។ ភាគច្រើននៃករណីត្អើកស្ទើរតែទាំងអស់ គឹមានរយៈពេលត្រឹម តែ ពីរ ឬ បីនាទីប៉ុណ្ណោះ។ ប៉ុន្តែមានករណីត្អើកខ្លះ អាចនឹងកើតមានយូរដល់រយៈពេល ជាច្រើនថ្ងៃ ឬ ជាច្រើនសប្តាហ៍ ប៉ុន្តែវាមានដោយកម្រនោះទេ ហើយវាជាធម្មតា អាចជាសញ្ញានៃបញ្ហាសុខភាពផ្សេង ទៀត។
អ្នកប្រហែលជាធ្លាប់បានលឺ ពីវិធីមួយចំនួន ដែលនឹងអាចជួយអ្នក ក្នុងការកំចាត់នូវអាការៈនេះបាន ហើយប្រហែលជាអ្នកធ្លាប់បានសាកល្បងពួកវា បានពីរបីប្រភេទរួចមកហើយ។ វិធីម្យ៉ាងដែល មនុស្ស ភាគច្រើនបានអនុវត្ត ក្នុងការបំបាត់អាការៈត្អើកនោះគឺ ធ្វើការអត់ដង្ហើម រួចរាប់ពី ១ ដល់ ១០។ ហើយមាន មនុស្សផ្សេងទៀតបានស្នើរថា ការផឹកទឹកអោយបានច្រើន ក៏ជាវិធីមួយ ក្នុងការបំបាត់វាបាន ផងដែរ។
ការដាក់ស្ករ នៅក្រោមអណ្តាត ក៏ប្រហែលជាអាចមានប្រសិទ្ធភាពផងដែរ។ ហើយការព្យាបាលដែល មានភាពពេញនិយមជាងគេនោះគឺ អោយនរណាម្នាក់លោតចេញមក បន្លាចអ្នក នៅពេលដែលអ្នកមិន បានដឹងខ្លួនជាមុន នេះក៏ជាវិធី ដែលមនុស្សមួយចំនួន អាចប្រើបានផងដែរ ក្នុងការនិយាយថាលាហើយ ទៅកាន់ ការត្អើក៕
(អត្ថបទដកស្រង់ពីគេហទំព័រ Health.com.kh)
Posted in: 
.jpg)
