អាហារដែលគួរជៀសវាង នៅពេលព្រឹក

អាហាររហ័ស (fast food) គឺជាអាហារ ដែលពេញនិយម និង សាកសម​បំផុតសំរាប់អ្នកដែលមមាញឹកនឹងការងារ។ ប៉ុន្តែតាមការស្រាវជ្រាវថ្មីៗ នៅក្នុងប្រទេស​កាណាដាបានបង្ហាញថាអាហារប្រភេទនេះមិន​សាកសមក្នុងការទទួលទាននៅពេលព្រឹក​ព្រលឹមនោះឡើយ។ ការសិក្សាបានបង្ហាញថា អាហាររហ័សដូចជា ហាមប៊រហ្គ័រ និង សាំងវិច ជាដើម មានសារធាតុខ្លាញ់យ៉ាងច្រើនដែល​អាចប្រឈមមុខនឹងអាការៈរួមតូចនៃ​សរសៃឈាម។ មិនត្រឹមតែប៉ុណ្ណោះ វាអាចបង្កអោយមានជំងឺគាំងបេះដូង និង ដាច់សរសៃខួរក្បាលក្នុងរយៈពេលឆាប់រហ័ស ជាងលទ្ធផលនៃការសិក្សាពីពេលមុនទៅទៀត។ មានការសាកល្បងវាស់នៅសំពាធឈាម​ទៅលើមនុស្សដែលមានសុខភាពល្អចំនួន ២០ នាក់។ ការសាកល្បងនោះបានធ្វើនៅពេល​ដែល​ពួកគេទទួលទានអាហាររហ័សនៅពេលព្រឹក ដែលលទ្ធផលបានបង្ហាញថាមានសារធាតុខ្លាញ់​រហូតដល់ ៥០ ក្រាម នៅក្នុងឈាមរបស់គេ។ ដូច្នេះគួរលោកអ្នកជៀសវាងក្នុងការទទួល​ទាន​អាហារ​​​រហ័សនៅពេលព្រឹក ហើយងាកទៅរកអាហារសុខភាពវិញ។

Posted in: ចំណីអាហារ, ម្ហូប